2 சிறுவர்கள் உள்பட 4 பேருக்கு டெங்கு

ராமநாதபுரம் மாவட்டத்தில் மர்ம காய்ச்சல் வேகமாக பரவி வருகிறது. இவர்களில் பலருக்கு நடத்தப்பட்ட சோதனையில் டெங்கு பாதிப்பு உறுதியாகி உள்ளது. நேற்று முன்தினம் 2 சிறுவர்களுக்கு டெங்கு பாதிப்பு கண்டறியப்பட்டது. இந்தநிலையில் நேற்று ராமநாதபுரம் சுகாதார வட்டத்தில் ராமேசுவரம் ஆத்திக்காடு பகுதியை சேர்ந்த 9 வயது சிறுமிக்கும், தொருவளூர் பகுதியை சேர்ந்த 24 வயது நபருக்கும், ஆர்.காவனூர் பகுதியை சேர்ந்த 29 வயது பெண்ணிற்கும், மண்டபம் சேது நகரை சேர்ந்த 6 வயது சிறுவனுக்கும் டெங்கு தொற்று இருப்பது உறுதி செய்யப்பட்டு உள்ளது. இதேபோல பரமக்குடி சுகாதார வட்டத்தில் சிலருக்கு டெங்கு பதிப்பு கண்டறியப்பட்டு உள்ளது. மாவட்டம் முழுவதும் மர்ம காய்ச்சலுடன் டெங்கு காய்ச்சலும் வேகமாக பரவி வருவது மக்களிடையே அச்சத்தை ஏற்படுத்தி உள்ளது.