இந்திய கம்யூனிஸ்டு கட்சி சார்பில் ஆர்ப்பாட்டம்

திருப்பத்தூர் மாவட்ட இந்திய கம்யூனிஸ்டு கட்சி சார்பில் திருப்பத்தூர் தாலுகா அலுவலகம் முன்பு ஆர்ப்பாட்டம் நடைபெற்றது. ஆர்ப்பாட்டத்திற்கு மாவட்ட செயலாளர் எம்.சுந்தரேசன் தலைமை தாங்கி தொடங்கி வைத்தார். நகர செயலாளர் முருகன், ஆர்.அண்ணாமலை, தீபா பூபதி, சிராஜ்கான், நந்தி, மாவட்ட துணைசெயலாளர் சாமிக்கண்ணு, மாவட்ட நிர்வாகக் குழு வேணுகோபால், மாவட்ட பொருளார் பெருமாள் உள்பட பலர் பேசினார்கள்.

ஆர்ப்பாட்டத்தில் மணிப்பூர் மாநிலத்தில் நடைபெற்ற சம்பவத்தை கண்டித்தும், மணிப்பூர் மாநில பா.ஜக. அரசை டிஸ்மிஸ் செய்ய வலியுறுத்தியும் கோஷங்களை எழுப்பினர். இதில் ஏராளமானோர் கலந்து கொண்டனர். முடிவில் நகர துணை செயலாளர் ஆர்.வெங்கடேசன் நன்றி கூறினார்.