விழுப்புரத்தில் பொது சுகாதாரத்துறை அலுவலர்கள் ஆர்ப்பாட்டம்

விழுப்புரம் சுகாதாரப்பணிகள் துணை இயக்குனர் அலுவலகம் முன்பு நேற்று மாலை பொது சுகாதாரத்துறை அலுவலர் சங்கத்தின் சார்பில் ஆர்ப்பாட்டம் நடைபெற்றது. சுகாதார ஆய்வாளர் நிலை-1 பதவி உயர்வு கலந்தாய்வை உடனடியாக நடத்த வேண்டும், சுகாதார ஆய்வாளர்களின் ஊதியத்தை ரூ.20 ஆயிரமாக உயர்த்தி வழங்க வேண்டும், காலியாக உள்ள சுகாதார ஆய்வாளர் நிலை-2 பணியிடங்களை உடனடியாக நிரப்ப வேண்டும் என்பன போன்ற பல்வேறு கோரிக்கைகளை வலியுறுத்தி நடந்த இந்த ஆர்ப்பாட்டத்திற்கு சங்க மாவட்ட தலைவர் ராஜாராமன் தலைமை தாங்கி கோரிக்கைகளை வலியுறுத்தி பேசினார்.

இதில் மாவட்ட செயலாளர் கிருஷ்ணன், பொருளாளர் கொளஞ்சியப்பன், துணைத்தலைவர் சீனிவாசன், இணை செயலாளர் ராமலிங்கம் உள்பட பலர் கலந்துகொண்டனர்.