பாம்பு கடித்து தொழிலாளி சாவு

கிருஷ்ணகிரி, ஜன.1-

கிருஷ்ணகிரி அருகே உள்ள சோக்காடியை சேர்ந்தவர் குப்புராஜ் (வயது 45). கூலித்தொழிலாளி. சம்பவத்தன்று இவரை பாம்பு கடித்தது. இதில் மயங்கி விழுந்த அவரை அருகில் இருந்தவர்கள் மீட்டு கிருஷ்ணகிரி அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலனின்றி குப்புராஜ் நேற்று முன்தினம் பரிதாபமாக இறந்தார். இதுகுறித்து கே.ஆர்.பி. அணை போலீசார் விசாரணை நடத்தி வருகிறார்கள்.