வாகனம் மோதி சாலையில் நடந்து சென்றவர் சாவு

ஓசூர்

ஓசூரில் பெங்களூரு -கிருஷ்ணகிரி தேசிய நெடுஞ்சாலையில் சீதாராம்மேடு அருகில் சுமார் 45 வயது மதிக்கத்தக்க ஆண் ஒருவர் நடந்து சென்றார். அப்போது அந்த வழியாக சென்ற அடையாளம் தெரியாத வாகனம் அவர் மீது மோதி விட்டு நிற்காமல் சென்று விட்டது. இந்த விபத்தில் பலத்த காயமடைந்த அவர் சம்பவ இடத்திலேயே இறந்தார். விபத்து குறித்து தகவல் அறிந்ததும் ஓசூர் அட்கோ போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக ஓசூர் அரசு ஆஸ்பத்திரிக்கு அனுப்பி வைத்தனர். மேலும் விபத்தில் இறந்தவர் யார்? அவர் மீது மோதி சென்ற வாகனம் குறித்து போலீசார் விசாரணை நடத்தி வருகிறார்கள்.