கட்டிட மேஸ்திரி மயங்கி விழுந்து சாவு

நல்லம்பள்ளி:

சேலம் மாவட்டம் தீவட்டிப்பட்டியை சேர்ந்தவர் கிருஷ்ணன் (வயது 54). கட்டிட மேஸ்திரி. இவர் நல்லம்பள்ளி அருகே சிவாடி கிராமத்தில் உள்ள எச்.பி.சி.எல் எண்ணெய் சேமிப்பு கிடங்கு கட்டுமான பணியில் ஈடுபட்டார். அப்போது உணவு இடைவெளியின் போது இவர் திடீரென மயங்கி விழுந்தார். அருகில் இருந்தவர்கள் கிருஷ்ணனை மீட்டு சிகிச்சைக்காக தர்மபுரி அரசு மருத்துவமனையில் சேர்த்தனர். அங்கு டாக்டர்கள் பரிசோதித்த போது அவர் ஏற்கனவே இறந்து விட்டது தெரியவந்தது. இது குறித்து தொப்பூர் போலீசார் வழக்குப்பதிவு செய்து விசாரணை நடத்தி வருகின்றனர்.