தர்மபுரியில் ரெயில் மோதி வாலிபர் சாவு

தர்மபுரி:

தர்மபுரி- பென்னாகரம் சாலையில் ரெயில்வே மேம்பாலம் அருகே ரெயில் தண்டவாளத்தில் வாலிபர் ஒருவர் இறந்து கிடந்தார். இதுபற்றி தகவல் அறிந்த தர்மபுரி ரெயில்வே போலீசார் சம்பவ இடத்திற்கு சென்று விசாரணை நடத்தினர். அவர் சோகத்தூர் பகுதியை சேர்ந்த சேகர் மகன் நவீன்குமார் (வயது 21) என்பதும், ரெயில் மோதி இறந்ததும் தெரியவந்தது. இதுதொடர்பாக தர்மபுரி ரெயில்வே போலீசார் வழக்குப்பதிவு செய்து விசாரணை நடத்தி வருகிறார்கள்.