நாமக்கல் அருகே கிணற்றில் தவறி விழுந்து முதியவர் பலி

நாமக்கல்:

நாமக்கல் அருகே உள்ள கிருஷ்ணாபுரம் ரெட்டியார் தெருவை சேர்ந்தவர் ராஜ் (வயது 60). கூலி தொழிலாளி. இவர் நேற்று முன்தினம் காலை அந்த பகுதியில் உள்ள கிணற்றில் தவறி விழுந்து பலியானார். தகவல் அறிந்த நாமக்கல் தீயணைப்புத்துறையினர் சம்பவ இடத்திற்கு சென்று கிணற்றில் இருந்து ராஜின் உடலை மீட்டனர். இது குறித்து நல்லிபாளையம் போலீசார் வழக்குப்பதிவு செய்து விசாரணை நடத்தி வருகின்றனர்.