சேலம் மாவட்டத்தில் 27 பேருக்கு கொரோனா பாதிப்பு

சேலம் மாவட்டத்தில் நேற்று முன்தினம் 33 பேர் கொரோனாவுக்கு பாதிக்கப்பட்டிருந்தனர். இந்நிலையில், நேற்று புதிதாக 27 பேருக்கு கொரோனா நோய் தொற்று ஏற்பட்டுள்ளது. சேலம் மாநகராட்சிக்கு உட்பட்ட பகுதிகளில் 9 பேர், வீரபாண்டியில் 2 பேர் மற்றும் காடையாம்பட்டி, ஓமலூர், சேலம் ஒன்றியம், பெத்தநாயக்கன்பாளையம், ஏற்காடு ஆகிய பகுதிகளில் தலா ஒருவரும் கொரோனாவுக்கு பாதிக்கப்பட்டுள்ளனர். இதுதவிர, சேலம் மாவட்டத்திற்கு நாமக்கல்லில் இருந்து வந்த 4 பேர், கிருஷ்ணகிரி, ஈரோட்டில் இருந்து வந்த தலா 3 பேர், தர்மபுரியில் இருந்து வந்த ஒருவரும் நோய் தொற்றால் பாதிக்கப்பட்டுள்ளனர். இவர்கள் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர்.