சேலம் மாவட்டத்தில் 70 பேருக்கு கொரோனா

சேலம் மாவட்டத்தில் நேற்று முன்தினம் கொரோனாவுக்கு 62 பேர் பாதிக்கப்பட்டனர். நேற்று கொரோனாவின் பாதிப்பு 70 ஆக உயர்ந்துள்ளது. சேலம் மாநகராட்சி பகுதிகளில் 27 பேர், ஓமலூரில் 6 பேர், பனமரத்துப்பட்டியில் 4 பேர், வீரபாண்டி, மேச்சேரி, காடையாம்பட்டி, எடப்பாடி ஆகிய பகுதிகளில் தலா 3 பேர், தாரமங்கலம், மகுடஞ்சாவடி, சேலம் ஒன்றியம், ஆத்தூர், தலைவாசல், அயோத்தியாப்பட்டணம் ஆகிய பகுதிகளில் தலா 2 பேர், நங்கவள்ளி, கொளத்தூர், பெத்தநாயக்கன்பாளையம், ஏற்காடு, மேட்டூர், இடங்கணசாலை ஆகிய பகுதிகளில் தலா ஒருவரும் கொரோனாவால் பாதிக்கப்பட்டனர். மேலும் சேலத்துக்கு வந்த ஈரோட்டை சேர்ந்த 2 பேர், தர்மபுரியை சேர்ந்த ஒருவரும் கொரோனாவுக்கு பாதிக்கப்பட்டனர். இவர்கள் அரசு மற்றும் தனியார் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர்.