குன்னூர் லெவன்ஸ் அணி வெற்றி

கோத்தகிரி, 

நீலகிரி மாவட்ட கிரிக்கெட் சங்கத்தில் புதிய உறுப்பினராக பதிவு செய்து, சி டிவிஷனில் விளையாட விருப்பம் தெரிவித்த அணிகளுக்கு இடையேயான லீக் போட்டிகள் கோத்தகிரி காந்தி மைதானத்தில் நடைபெற்று வருகிறது. இந்தநிலையில் நேற்று கோத்தகிரி பாரதி அணியும், குன்னூர் லெவன்ஸ் அணியும் மோதியது. இதில் டாஸ் வென்று முதலில் பேட்டிங் செய்த குன்னூர் லெவன்ஸ் அணி நிர்ணயிக்கப்பட்ட 30 ஓவர்களில் 7 விக்கெட்டுகளை இழந்து 218 ரன்கள் எடுத்தது. அந்த அணி வீரர்கள் விக்னேஷ் 83 ரன்கள், ராஜேஷ் கண்ணன் 30 ரன்கள் எடுத்தனர். கோத்தகிரி பாரதி அணியின் பந்து வீச்சாளர் கிஷோர் கண்ணன் 4 விக்கெட்டுகளை வீழ்த்தினார். தொடர்ந்து 219 ரன்கள் எடுத்தால் வெற்றி என்ற இலக்குடன், கோத்தகிரி பாரதி அணி களமிறங்கியது. அந்த அணி 30 ஓவர்களில் 8 விக்கெட்டுகளை இழந்து 213 ரன்கள் மட்டுமே எடுத்தது. அந்த அணி வீரர்கள் சந்தோஷ் 58 ரன்கள், தீபக் 39 ரன்கள், கிஷோர் கண்ணன் 34 ரன்கள், மூர்த்தி 30 ரன்கள் எடுத்தனர். குன்னூர் லெவன்ஸ் அணி வீரர் மோகன்ராஜ் 3 விக்கெட்டுகளை வீழ்த்தினார். இதன் மூலம் குன்னூர் லெவன்ஸ் அணி 3 விக்கெட்டுகள் வித்தியாசத்தில் வெற்றி பெற்றது.