இரு தரப்பினர் மோதல்; 4 பேர் கைது

இளையான்குடி, 

இளையான்குடி அருகே உள்ள வடக்கு கீரனூர் கிராமத்தில் முன்விரோதம் காரணமாக இரு தரப்பை சேர்ந்தவர்கள் இடையே மோதல் ஏற்பட்டது. இதையடுத்து அப்பகுதியில் போலீசார்் குவிக்கப்பட்டனர். இதற்கிடையே போலீசார் ஒரு தரப்பினருக்கு சாதகமாகவும், ஒருதலை பட்சமாகவும் செயல்படுவதாக கூறி மற்றொரு தரப்பினர் போலீஸ் நிலையத்தை முற்றுகையிட்டனர். அவர்களிடம் துணை போலீஸ் சூப்பிரண்டு சிபி சாய் சவுந்தர்யன் பேச்சுவார்த்தை நடத்தினார்.

இந்நிலையில் இந்த மோதல் சம்பவம் தொடர்பாக இருதரப்பை சேர்ந்த 4 பேர் மீது வழக்குப்பதிவு செய்து அவர்களை போலீசார் கைது செய்தனர். மேலும் இரு தரப்பை சேர்ந்த 15-க்கும் மேற்பட்டோர் மீது வழக்குப்பதிவு செய்து விசாரணை நடத்தி வருகின்றனர்.