அதிக பாரம் ஏற்றிய லாரிகள் பறிமுதல்

திசையன்விளை:

வள்ளியூர் துணை போலீஸ் சூப்பிரண்டு யோகேஷ்குமார் மற்றும் போலீசார் நேற்று திசையன்விளை - நவ்வலடி சாலையில் வாகன சோதனை நடத்தினர். அப்போது அந்த வழியாக அதிக பாரம் ஏற்றி சென்ற 2 லாரிகளை மடக்கிப் பிடித்து பறிமுதல் செய்தனர். இதுதொடர்பாக கன்னியாகுமரி மாவட்டம் தோவாளை பகுதியை சேர்ந்த லாரி டிரைவர்கள் அகிலன் (வயது 25), சிவா (24) ஆகியோரிடம் போலீசார் விசாரணை நடத்தினர்.