நூலகத்தில் ஓவிய பயிற்சி நிறைவு

செங்கோட்டை:

செங்கோட்டை நூலகத்தில் கோடை விடுமுறையையொட்டி ஓவிய ஆசிரியர் முருகையா வழிகாட்டுதல்படி மாணவ-மாணவிகளுக்கு ஓவிய பயிற்சி நடந்தது. இதில் சுமார் 100-க்கும் மேற்பட்டவர்கள் கலந்து கொண்டனர். இதன் நிறைவு விழா நடந்தது. நூலகர் ராமசாமி வரவேற்று பேசினார். நூலக வாசகர் வட்ட தலைவர் ராமகிருஷ்ணன் தலைமை தாங்கினார். இணைச்செயலாளர் செண்பக குற்றாலம், துணைத்தலைவர் ஆதிமூலம், பொருளாளர் தண்டமிழ்தாசன் சுதாகர் ஆகியோர் முன்னிலை வகித்தனர். நகராட்சி துணை தலைவர் நவநீதகிருஷ்ணன், கட்டிட ஒப்பந்ததாரர் சக்திவேல் ஆகியோர் வாழ்த்துரை வழங்கினர்.

சிறப்பு அழைப்பாளராக செங்கோட்டை நகராட்சி ஆணையாளர் பார்கவி கலந்து கொண்டு சிறப்பாக ஓவியம் வரைந்த மாணவர்களுக்கு பரிசுகள் வழங்கி பாராட்டினார்.