தினத்தந்தி புகார் பெட்டி: மக்கள் குறைகள் தொடர்பான பதிவுகள்

நடவடிக்கை தேவை

சிவகங்கை நகர் பகுதிகளில் ஆங்காங்கே சாலையில் குப்பைகள் அகற்றப்படாமல் தேங்கி உள்ளன. இதனால் இந்த பகுதியில் சுகாதார சீர்கேடு ஏற்படும் நிலை உள்ளது. எனவே இந்த பகுதியில் உள்ள குப்பைகளை அவ்வப்போது அகற்ற அதிகாரிகள் நடவடிக்கை எடுக்க வேண்டும்.

கார்த்திக், சிவகங்கை.

சாலையில் சுற்றும் கால்நடைகள்

சிவகங்கை மாவட்டம் திருப்புவனம் மற்றும் அதனை சுற்றியுள்ள பகுதிகளில் சாலையில் கால்நடைகள் அதிக அளவில் சுற்றித்திரிகின்றன. இதனால் சாலையில் செல்லும் வாகன ஓட்டிகள் மிகவும் சிரமப்படுகின்றனர். விபத்து அபாயமும் உள்ளது. எனவே சாலையில் கால்நடைகள் சுற்றித்திரிவதை தடுக்க நடவடிக்கை எடுக்க வேண்டும்.

முருகன், திருப்புவனம்.

கூடுதல் பஸ் இயக்க வேண்டும்

சிவகங்கை மாவட்டம் காரைக்குடி நகர் பகுதியில் இயக்கப்படும் பஸ்கள் போதுமானதாக இல்லை. இதனால் இந்த பகுதியில் உள்ளவர்கள் செல்ல வேண்டிய இடத்திற்கு குறித்த நேரத்தில் செல்ல முடியாமல் அவதிப்படுகின்றனர். எனவே கூடுதல் பஸ்கள் இயக்க அதிகாரிகள் நடவடிக்கை எடுக்க வேண்டும்.

பொதுமக்கள், காரைக்குடி.

தெருநாய்கள் தொல்லை

சிவகங்கை மாவட்டம் திருப்பத்தூர் பகுதியில் நாய்கள் அதிக அளவில் சாலையில் சுற்றித்திரிகின்றன. இந்த நாய்கள் சாலையில் செல்பவர்களை துரத்துவதால் பொதுமக்கள் வீட்டை விட்டு வெளியே வர அச்சப்படுகின்றனர். மேலும் வாகனங்கள் மீது நாய்கள் மோதுவதால் விபத்து ஏற்படும் அபாயம் நிலவுகிறது. எனவே நாய்கள் தொல்லையை கட்டுப்படுத்த நடவடிக்கை எடுக்க வேண்டும்.

பொதுமக்கள், திருப்பத்தூர்.

தெப்பக்குளத்தில் கலக்கும் கழிவுநீர்

சிவகங்கை நகராட்சி மத்தியில் அமைந்துள்ள தெப்பக்குளத்தில் கழிவுநீர் கலப்பதுடன் பிளாஸ்டிக் பைகள் நீரில் மிதந்து குளம் முழுவதும் மாசு அடைந்து காணப்படுகிறது. இதனால் குளத்தில் குளிப்பவர்களுக்கு நோய் தொற்று ஏற்படும் அபாயம் உள்ளது. எனவே குளத்தில் கழிவுநீர் கலப்பதை தடுக்க வேண்டும்.

சாரதி, சிவகங்கை.