வாஞ்சிநாதன் சிலைக்கு கலெக்டர் மாலை அணிவித்து மரியாதை

செங்கோட்டை:

சுதந்திர போராட்ட வீரர் வாஞ்சிநாதனின் 112-வது நினைவு தினம் நேற்று அனுசரிக்கப்பட்டது. இதையொட்டி செங்கோட்டை முத்துசாமி பூங்காவில் உள்ள வாஞ்சிநாதன் மணிமண்டபத்தில் அவரது சிலைக்கு அரசு சார்பில் மரியாதை செலுத்தும் நிகழ்ச்சி நடந்தது. இதில் தென்காசி மாவட்ட கலெக்டர் துரை ரவிச்சந்திரன் கலந்து கொண்டு வாஞ்சிநாதன் சிலைக்கு மாலை அணிவித்து மலர் தூவி மரியாதை செலுத்தினார்.

நிகழ்ச்சியில் வாஞ்சிநாதனின் தம்பி கோபாலகிருஷ்ணன் மகன் ஹரிஹரசுப்பிரமணியன், தியாகி சாவடி அருணாசலம் பிள்ளை பேரன் ராமலிங்கம், தியாகி ஓட்டபிடாரம் மாடசாமி பிள்ளை பேரன் இசக்கிசங்கர், நகர்மன்ற தலைவா் ராமலட்சுமி, மக்கள் தொடர்பு அலுவலா் இளவரசி, உதவி மக்கள் தொடர்பு அலுவலா் ராமசுப்பிரமணியன், தாசில்தார் முருகுசெல்வி, மண்டல துணை தாசில்தார் குமார், வருவாய் ஆய்வாளா் ஜொனால்ட் சாம்சன், கிராம நிர்வாக அலுவலா் முருகேசன், நகராட்சி சுகாதார ஆய்வாளர் பழனிச்சாமி உள்பட பலா் கலந்து கொண்டனர்.