பெயிண்டரிடம் செல்போன் பறிப்பு

ஸ்பிக்நகர்:

தூத்துக்குடி அருகே உள்ள முத்தையாபுரம் கிருஷ்ணாநகரை சேர்ந்தவர் சண்முகவேல் (வயது 39). பெயிண்டரான இவர் நேற்று முன்தினம் வீட்டில் இருந்து வெளியே சென்றுள்ளார். அப்போது அங்கு மோட்டார் சைக்கிளில் வந்த மர்ம நபர்கள் 3 பேர், சண்முகவேலிடம் பீடி கேட்பதுபோல் நடித்து அவரிடம் பேசினர். அப்போது, அவர்கள் கத்திமுனையில் சண்முகவேலை மிரட்டி, அவர் வைத்திருந்த செல்போனை பறித்து சென்றதாக கூறப்படுகிறது.

இதுகுறித்து அவர் முத்தையாபுரம் போலீசில் புகார் செய்தார். அதன் பெயரில் சப்-இன்ஸ்பெக்டர் சேட்டைநாதன் வழக்குப்பதிவு செய்து விசாரணை நடத்தி வருகிறார்.