விபத்தை ஏற்படுத்திய டிராக்டர் டிரைவர் மீது வழக்கு

வடமதுரை அருகே உள்ள புத்தூர் கோட்டைக்கல்பட்டியை சேர்ந்தவர் சிவா என்ற கருப்பசாமி (வயது 23). தேங்காய் பறிக்கும் தொழிலாளி. இந்த நிலையில் கடந்த 6-ந்தேதி சிவா, மோட்டார் சைக்கிளில் சென்றபோது செங்குறிச்சி-ஆலம்பட்டி சாலையில் அடையாளம் தெரியாத வாகனம் மோதி உயிரிழந்தார். இது குறித்து வடமதுரை போலீஸ் சப்-இன்ஸ்பெக்டர் அங்கமுத்து விசாரணை நடத்தினார். அதில் புளியம்பட்டியை சேர்ந்த குமார் (29) என்பவர் ஓட்டி வந்த டிராக்டர் சிவாவின் மோட்டார் சைக்கிள் மீது மோதிவிட்டு, நிற்காமல் சென்றது தெரியவந்தது. இதையடுத்து குமார் மீது போலீசார் வழக்குப்பதிவு செய்து விசாரணை நடத்தி வருகின்றனர்.