வாலிபரை தாக்கிய 3 பேர் மீது வழக்கு

தேவதானப்பட்டி அருகே உள்ள ஜெயமங்கலத்தை சேர்ந்தவர் ராஜேஸ்வரன் (வயது 23). நேற்று முன்தினம் இவர், பெரியகுளம்-வைகை அணை சாலையில் ஜெயமங்கலம் அருகே உள்ள பெட்ரோல் விற்பனை நிலையத்தில் மோட்டார்சைக்கிளுக்கு பெட்ரோல் போட்டு கொண்டிருந்தார். அப்போது அங்கு வந்த 2 பேர் அவரை தகாத வார்த்தைகளால் திட்டியதுடன், பீர்பாட்டிலால் தாக்கினர்.

இதில் படுகாயமடைந்த ராஜேஸ்வரன் அரசு மருத்துவமனையில் சிகிச்சைக்காக சேர்க்கப்பட்டார். இதுகுறித்து அவர் ஜெயமங்கலம் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தினர். விசாரணையில் ராஜேஸ்வரனை தாக்கியது, மேல்மங்கலத்தை சேர்ந்த பாலாஜி (20), சுபாஷ் (25), முத்துப்பாண்டி (27) என்பது தெரியவந்தது. அவர்கள் மீது போலீசார் வழக்குப்பதிவு செய்து தேடி வருகின்றனர்.