கணவர் உள்பட 3 பேர் மீது வழக்கு

தாரமங்கலம்:-

தாரமங்கலம் அருகே உள்ள கருக்கல்வாடி குலுலிகாடுபகுதியை சேர்ந்தவர் செல்வம். இவருடைய மனைவி சின்னபொண்ணு (வயது 50). இவர் கடந்த சில ஆண்டுகளாக கணவனை பிரிந்து வசித்து வருகிறார்.

இந்தநிலையில் நேற்று முன்தினம் கணவர் மற்றும் மகனிடம் சென்று தனக்கு சேர வேண்டிய சொத்துகளை கொடுக்கும்படி கேட்டார். இதனால் அவர்களுக்கிடையே வாக்குவாதம் ஏற்பட்டது. அப்போது ஆத்திரம் அடைந்த அவருடைய கணவர் செல்வம், மகன் ராஜா, மருமகள் கோகிலா ஆகியோர் சின்னபொண்ணுவை தாக்கியதாக கூறப்படுகிறது.

இதுகுறித்து அவர் தாரமங்கலம் போலீசில் புகார் அளித்தார். அதன்பேரில் செல்வம், ராஜா, கோகிலா ஆகிய 3 பேர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.