பஸ்-மோட்டார் சைக்கிள் மோதல்; வாலிபர் பலி

பொள்ளாச்சி

பொள்ளாச்சி அருகே ஆழியாறு புளியங்கண்டி பகுதியை சேர்ந்தவர் செல்வம். இவரது மகன் பிரகாஷ் (வயது 22). இவர் வால்பாறை ரோட்டில் மோட்டார் சைக்கிளில் சென்று கொண்டிருந்தார். அப்போது அந்த வழியாக எதிரே வந்த மினி பஸ் அவர் மீது மோதியது. இதில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த ஆழியாறு போலீசார் உடலை கைப்பற்றி பிரேத பரிசோதனைக்கு கோட்டூர் அரசு ஆஸ்பத்திரிக்கு அனுப்பி வைத்தனர். மேலும் விபத்தில் மினி பஸ்சில் வந்த கோவையை சேர்ந்த சதீஷ்குமார் என்பவரும் காயமடைந்தார். இதுகுறித்த புகாரின் பேரில் போலீசார் வழக்குப்பதிவு செய்து கோவை ராமநாதபுரத்தை சேர்ந்த மினி பஸ் டிரைவர் சண்முகசுந்தரம் என்பவர் மீது வழக்குப்பதிவு செய்து விசாரணை நடத்தி வருகின்றனர்.