பீரோைவ உடைத்து நகை திருட்டு

ஸ்ரீவில்லிபுத்தூர்,

ஸ்ரீவில்லிபுத்தூர் தன்யா நகரில் வசிப்பவர் சுந்தரி (வயது 42,). இவர் தனது மாமியார் இறந்ததையொட்டி தனது மாமியார் வீட்டில் இருந்துள்ளார். இந்தநிலையில் சுந்தரியின் வீட்டில் பூட்டு உடைக்கப்பட்டடு கதவு திறந்து கிடப்பதாக அருகில் உள்ளவர்கள் அவருக்கு தகவல் தெரிவித்தனர். அதன்பேரில் சுந்தரி தனது வீட்டிற்கு வந்து பார்த்தபோது வீட்டில் இருந்த பீரோவை உடைத்து அதில் இருந்த 15 பவுன் தங்க நகைகளை கொள்ளை அடித்திருப்பது தெரியவந்தது. இதுகுறித்து ஸ்ரீவில்லிபுத்தூர் நகர் போலீசில் சுந்தரி கொடுத்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.