வீட்டின் கதவை உடைத்து 5 பவுன் நகை-பணம் திருட்டு

நகை-பணம் திருட்டு

புதுக்கோட்டை மாவட்டம், திருமயம் பாத்திமா நகரை சேர்ந்தவர் குமார் (வயது 48). இவர், வீட்டை பூட்டி விட்டு குடும்பத்தினருடன் வெளியூர் சென்றிருந்தனர். இந்நிலையில் அவர்கள் வீட்டிற்கு வந்தனர். அப்போது வீட்டின் கதவு உடைக்கப்பட்டு கதவு திறந்து கிடந்தது.

இதைப்பார்த்து அதிர்ச்சியடைந்த அவர்கள் வீட்டின் உள்ளே சென்று பார்த்தனர். அப்போது, அங்கிருந்த ஒரு அறையில் உள்ள பீரோவில் இருந்து 5 பவுன் தங்க நகை மற்றும் ரூ.4 ஆயிரம் பணத்தை மர்மநபர்கள் திருடி சென்றது தெரியவந்தது.

வலைவீச்சு

இதுகுறித்து குமார் திருமயம் போலீஸ் நிலையத்தில் புகார் கொடுத்தார். அதன்பேரில், போலீசார் வழக்குப்பதிவு செய்து நகை-பணத்தை திருடி சென்ற மர்மநபர்களை வலைவீசி தேடி வருகின்றனர்.