ராஜபாளையம் சொக்கர் கோவிலில் பிரம்மோற்சவ விழா

ராஜபாளையம்,

ராஜபாளையம்-தென்காசி சாலையில் அமைந்துள்ள ராம்கோ குரூப் சேர்மன் பி. ஆர். வெங்கட் ராமராஜா பாத்தியப்பட்ட சொக்கர் என்கிற மீனாட்சி சுந்தரேஸ்வரர் கோவிலில் மாசி மகம் பிரம்மோற்சவம் விழா கொடியேற்றத்துடன் தொடங்கியது. இந்த விழா 10 நாட்கள் நடைபெறுகிறது. கொடியேற்றும் விழாவில் ராம்கோ சேர்மன் பி.ஆர்.வெங்கட்ராம ராஜா, அவரது மனைவி நிர்மலா மற்றும் குடும்பத்தினர் கலந்து கொண்டனர். திருவிழாவையொட்டி வருகிற 3-ந் தேதி மீனாட்சி சுந்தரேஸ்வரருக்கு திருக்கல்யாணம் உற்சவம், 4-ந் தேதி தெப்ப உற்சவம் தேரோட்டம், 5-ந் தேதியன்று மீனாட்சி சுந்தரேஸ்வரர் சாமிகளுக்கு அலங்காரம் செய்யப்பட்டு தேரோட்டம் நடைபெறுகிறது. 6-ந் தேதி பஞ்சமூர்த்தி அலங்காரம் செய்யப்பட்டு சப்பரத்தில் திருவீதி உலா நடைபெறுகிறது. விழாவிற்கான ஏற்பாடுகளை ராம்கோ குரூப் குடும்பத்தினர் மற்றும் தொழிலாளர்கள் செய்து வருகின்றனர்.