அனுமன்தீர்த்தத்தில் தென்பெண்ணை ஆற்றில் ஆண் பிணம்

ஊத்தங்கரை:

ஊத்தங்கரையை அடுத்த அனுமன்தீர்த்தம் தென்பெண்ணை ஆற்றில் நேற்று காலை ஆண் பிணம் மிதப்பதாக ஊத்தங்கரை போலீசுக்கு தகவல் தெரிவிக்கப்பட்டது. அதன்பேரில் போலீசார் அங்கு விரைந்து சென்று விசாரணை நடத்தினர். அப்போது தென்பெண்ணை ஆற்றில் ஆண் பிணம் அடித்து வரப்பட்டது தெரியவந்தது. ஆனால் பிணமாக மிதந்தவர் யார்? எந்த ஊரை சேர்ந்தவர்? போன்ற விவரங்கள் தெரியவில்லை. இதையடுத்து போலீசார் உடலை கைப்பற்றி ஊத்தங்கரை அரசு ஆஸ்பத்திரிக்கு அனுப்பி வைத்தனர். மேலும் வழக்குப்பதிவு செய்து விசாரணை நடத்தி வருகின்றனர்.