தமிழகத்தில் 20 தொகுதிகளில் பா.ஜ.க. போட்டி: அண்ணாமலை பேட்டி

சென்னை,

சென்னையில் பாஜக மாநில தலைவர் அண்ணாமலை செய்தியாளர்களை சந்தித்தார். அப்போது அவர் கூறியதாவது;

தமிழகத்தில் பா.ஜ.க. கூட்டணி 39 தொகுதிகளுக்கான பங்கீடுகளை முடித்துள்ளது. தமிழகத்தில் 20 தொகுதிகளில் பா.ஜ.க. போட்டியிடுகிறது. கூட்டணி கட்சிகள் 19 இடங்களில் போட்டியிடுகின்றனர். பா.ஜ.க. வேட்பாளர் பட்டியலை எந்த நேரத்திலும் எதிர்பார்க்கலாம்.

எங்களது கூட்டணியில் தமிழ் மாநில காங்கிரஸ் 3 இடங்களில் போட்டியிடுகிறது. 4 தொகுதிகளில் பா.ஜ.க.வின் தாமரை சின்னத்தில் கூட்டணி வேட்பாளர்கள் போட்டியிடுகின்றனர். 24 தொகுதி வேட்பாளர்கள் பட்டியலுடன் டெல்லி செல்கிறோம். " இவ்வாறு அவர் பேசினார்.