தேன்கனிக்கோட்டை:-
இரு தரப்பினர் மோதிக்கொண்டது தொடர்பாக 3 பேர் கைது செய்யப்பட்டனர்.
இரு தரப்பினர் மோதல்
தேன்கனிக்கோட்டையை அருகே தக்கட்டி கிராமத்தை சேர்ந்தவர் சிக்க நரசப்பா (வயது27), இவருக்கும், அதே பகுதியை சேர்ந்த கங்காதரன் (32) பைராஜ் (40), குமரேசன் (22), லிங்கப்பா (50) ஆகியோருக்கும் இடையே நிலத்தை பிரிப்பது தொடர்பாக முன்விரோதம் இருந்து வருகிறது.
இந்நிலையில் கங்காதரன் உள்பட 4 பேரும், சிக்க நரசப்பா, அவருடைய தம்பி நரசராஜ், தந்தை நரசப்பா ஆகியோரை தாக்கி மிரட்டல் விடுத்ததாக கூறப்படுகிறது.
3 பேர் கைது
காயம் அடைந்த அவர்கள் தேன்கனிக்கோட்டை அரசு ஆஸ்பத்திரியில் அனுமதிக்கப்பட்டனர்.
இதுதொடர்பாக சிக்க நரசப்பா அஞ்செட்டி போலீசில் புகார் செய்தார். போலீசார் வழக்குப்பதிவு செய்து கங்காதரன், பைராஜ், குமரேசன் ஆகிய 3 பேரை நேற்று கைது செய்தனர். அதேபோல் பைராஜ் கொடுத்த புகாரின் பேரில் சிக்க நரசப்பா, நரசராஜ், நரசப்பா ஆகிய 3 பேர் மீதும் வழக்குப்பதிவு செய்யப்பட்டது.