தேயிலை தோட்டத்தில் குட்டிகளுடன் கரடி உலா

கோத்தகிரி,

கோத்தகிரி அருகே அரவேனு சுற்றுவட்டார பகுதிகளில் தேயிலை தோட்டங்கள் உள்ளது. இதையொட்டி உள்ள வனப்பகுதிகளில் இருந்து வெளியேறும் கரடிகள் தோட்டங்களில் நடமாடி வருகிறது. இந்தநிலையில் கடந்த சில நாட்களாக கரடி ஒன்று தனது முதுகில் 2 குட்டிகளை சுமந்தபடி உலா வந்த வண்ணம் உள்ளது. இதனால் பச்சை தேயிலை பறிக்கும் தொழிலாளர்கள் அச்சம் அடைந்து வருகின்றனர். கரடி நடமாட்டம் அதிகரித்துள்ளதால், சில நேரங்களில் பச்சை தேயிலை பறிக்கும் பணி பாதிக்கப்பட்டு வருகிறது. எனவே, குட்டிகளுடன் வரும் கரடியை அடர்ந்த வனப்பகுதிக்குள் விரட்ட நடவடிக்கை எடுக்க வேண்டும் என்று தொழிலாளர்கள் கோரிக்கை விடுத்து உள்ளனர்.