பாலியம்மனுக்கு பால்குட அபிஷேகம்

கண்ணமங்கலம்

சந்தவாசலில் ஆடிவெள்ளியை முன்னிட்டு பாலியம்மன் கோவிலுக்கு பெண்கள் பால் குடம் எடுத்து ஊர்வலமாக சென்றனர்.

கண்ணமங்கலத்தை அடுத்த சந்தவாசல் கிராம தேவதை பாலியம்மனுக்கு ஆடி 3-ம் வெள்ளியை முன்னிட்டு 205 பால் குடங்களுடன் பெண்கள் ஊர்வலமாக சென்று அபிஷேகம் செய்தனர். அதனை தொடர்ந்து அம்மனுக்கு சிறப்பு அலங்காரம் செய்யப்பட்டு தீபாராதனை நடைபெற்றது. இதனையொட்டி பக்தர்களுக்கு அன்னதானம் வழங்கப்பட்டது. இரவில் அம்மன் திருவீதி உலாவும் நடைபெற்றது.

இதேபோல் கண்ணமங்கலம் அருகே உள்ள துவரந்தல் கிராமத்தில் காளியம்மன் கோவிலில் பக்தர்கள் 108பால் குடங்களுடன் ஊர்வலமாக சென்று அபிஷேகம் செய்தனர். ஆடி மூன்றாம் வெள்ளியை முன்னிட்டு நடந்த இந்த நிகழ்ச்சியில் திரளான பக்தர்கள் கலந்து கொண்டனர்.