விழிப்புணர்வு கலை நிகழ்ச்சி

செங்கோட்டை:

மதுவினால் ஏற்படும் தீமைகள் குறித்து பொதுமக்களுக்கு விழிப்புணர்வு ஏற்படுத்தும் வகையில் சங்கரன்கோவில் கலைவாணர் கலைக்குழுவினரின் கலை நிகழ்ச்சி செங்கோட்டை பஸ் நிலையத்தில் நடந்தது. தென்காசி கலால் உதவி ஆணையர் ராஜ மனோகரன் தலைமை தாங்கினார். வருவாய் ஆய்வாளர் தர்மராஜா முன்னிலை வகித்தார்.

நிகழ்ச்சியில் கரகாட்டம், தப்பாட்டம், விழிப்புணர்வு பாடல்கள், சாட்டை, குச்சி ஆட்டம், கட்டைக்கால் ஆட்டம் நிகழ்ச்சிகளை கலைவாணர் கலைக்குழுவினர் நடத்தினர். பின்னர் மதுவினால் ஏற்படும் தீமைகள் குறித்து கலைக்குழுவினர் துண்டு பிரசுரம் பொதுமக்களுக்கு வினியோகம் செய்தனர்.