போடியில் விவசாயி மீது தாக்குதல்

போடி தேரடி தெருவை சேர்ந்தவர் வடமலைமுத்து (வயது 63). விவசாயி. இவர் போடி புதூரை சேர்ந்த சடையன் என்பவரிடம் ஒரு நிலத்தை வாங்கினார். பின்னர் அந்த நிலத்தை சுற்றி வேலி அமைத்தார். இதற்கிடையே சடையன் அந்த நிலம் தொடர்பாக வடமலைமுத்துவிடம் தகராறு செய்தார்.

மேலும் அங்கு அமைக்கப்பட்டிருந்த வேலியை சேதப்படுத்தினார். இதுகுறித்து வடமலைமுத்து தட்டிக்கேட்டார். அப் போது ஆத்திரமடைந்த சடையன், வடமலைமுத்துவை தாக்கினார். இதுகுறித்து குரங்கணி போலீஸ் நிலையத்தில் வடமலைமுத்து புகார் அளித்தார். அதன்பேரில் சடையன் மீது போலீசார் வழக்குப்பதிவு செய்து விசாரணை நடத்தி வருகின்றனர்.