சிங்காரப்பேட்டை அருகே இரும்பு கம்பியால் தொழிலாளி மீது தாக்குதல்-மகன் கைது

ஊத்தங்கரை:

சிங்காரப்பேட்டை அருகே உள்ள மிட்டப்பள்ளி காமராஜ் நகரை சேர்ந்தவர் சாமிநாதன் (வயது 59). தொழிலாளி. இவரது மகன் சந்திரன் (39). இவர் தனது தந்தையிடம் சொத்தை பிரித்து தர கேட்டார். அதற்கு சாமிநாதன் மறுத்தார். அப்போது ஏற்பட்ட பிரச்சினையில் சந்திரன், இரும்பு கம்பியால் தனது தந்தையை தாக்கினார். இதில் காயம் அடைந்த சாமிநாதன் சிகிச்சைக்காக கிருஷ்ணகிரி அரசு ஆஸ்பத்திரியில் அனுமதிக்கப்பட்டார். இதுகுறித்து அவர் சிங்காரப்பேட்டை போலீசில் புகார் அளித்தனர். அதன்பேரில் போலீசார் வழக்குப்பதிவு செய்து தீவிர விசாரணை நடத்தினர். பின்னர் சாமிநாதனை தாக்கியதாக அவரது மகன் சந்திரனை கைது செய்தனர்.