வீரபாண்டி கண்ணீஸ்வரமுடையார் கோவிலில் 7 ஜோடிகளுக்கு இலவச திருமணம்: கலெக்டர் ஷஜீவனா நடத்தி வைத்தார்

இந்து சமய அறநிலையத்துறையின் சார்பில், வீரபாண்டி கண்ணீஸ்வரமுடையார் கோவிலில் 7 ஜோடிகளுக்கு நேற்று இலவசமாக திருமணம் நடந்தது. இதற்கு மாவட்ட கலெக்டர் ஷஜீவனா தலைமை தாங்கி திருமணத்தை நடத்தி வைத்தார். பின்னர் அவர் 7 ஜோடிகளுக்கும் தலா 4 கிராம் தாலி மற்றும் ரூ.60 ஆயிரம் மதிப்பிலான சீர்வரிசை பொருட்களை வழங்கினார். இந்த நிகழ்ச்சியில் வீரபாண்டி பேரூராட்சி தலைவர் கீதாசசி, துணை தலைவர் சாந்தகுமார், இந்து சமய அறநிலையத்துறை உதவி ஆணையர் கலைவாணன், கவுமாரியம்மன் கோவில் செயல் அலுவலர் மாரிமுத்து, குச்சனூர் கோவில் செயல் அலுவலர் நாகராஜன் மற்றும் பலர் கலந்து கொண்டனர்.