தே.சிந்தலைச்சேரியில் மக்கள் தொடர்பு முகாம்

உத்தமபாளையம் அருகே தே.சிந்தலைச்சேரியில் மக்கள் தொடர்பு முகாம் நடந்தது. இதற்கு கலெக்டர் முரளிதரன் தலைமை தாங்கினார். உத்தமபாளையம் ஊராட்சி ஒன்றிய குழு தலைவர் இன்பென்ட் பனிமய ஜெப்பரின் முன்னிலை வகித்தார். முகாமில், முதியோர், மாற்றுத்திறனாளிகள் ஆகியோருக்கு கலெக்டர் உதவித்தொகை வழங்கினார். மேலும் உழவர் பாதுகாப்பு திட்டம் மற்றும் தோட்டக்கலை, சுகாதாரத்துறை சார்பில் பயனாளிகளுக்கு நலத்திட்ட உதவிகள் வழங்கப்பட்டது. இதையடுத்து கலெக்டரிடம் பொதுமக்கள் பல்வேறு கோரிக்கைகள் தொடர்பான மனுக்கள் கொடுத்தனர். முகாமில், மாவட்ட வருவாய் அலுவலர் சுப்பிரமணி, உத்தமபாளையம் ஆர்.டி.ஓ. பால்பாண்டி, ஊராட்சிகள் உதவி இயக்குனர் அண்ணாதுரை, தாசில்தார் அர்ஜூனன், துணை தாசில்தார்கள் கண்ணன், முருகன் உள்பட பலர் கலந்து கொண்டனர்.