ரூ.1 கோடிக்கு மாடுகள் விற்பனை

பெருந்துறை

சீனாபுரம் கால்நடை சந்தையில் ரூ.1 கோடிக்கு மாடுகள் விற்பனை ஆனது.

கால்நடை சந்தை

பெருந்துறையை அடுத்த சீனாபுரத்தில் கால்நடை சந்தை நடைபெற்றது. இந்த சந்தைக்கு தர்மபுரி மாவட்டம் காரிமங்கலம், சேலம் மாவட்டம் முத்துநாயக்கன்பட்டி, நாமக்கல் மாவட்டம் மோர்பாளையம், திருப்பூர் மாவட்டம் பெருமாநல்லூர், ஊத்துக்குளி மற்றும் ஈரோடு மாவட்டத்தின் பல்வேறு பகுதிகளில் இருந்தும் ஏராளமான விவசாயிகள் தங்களுடைய மாடுகளை விற்பனைக்காக கொண்டு வந்திருந்தனர்.

விர்ஜின் கலப்பின பசு மாடுகள் 120-ம், அதன் கிடாரி கன்றுக்குட்டிகள் 130-ம், சிந்து மற்றும் ஜெர்சி இன பசு மாடுகள் 150-ம், அதன் கிடாரி கன்றுக்குட்டிகள் 200-ம் விற்பனைக்காக கொண்டு வரப்பட்டிருந்தன.

ரூ.1 கோடி

இதில் விர்ஜின் கலப்பின பசு மாடு ஒன்று ரூ.35 ஆயிரம் முதல் ரூ.40 ஆயிரம் வரையும், அதன் கிடாரி கன்றுக்குட்டி ஒன்று ரூ.30 ஆயிரம் முதல் ரூ.35 ஆயிரம் வரையும் விற்பனை ஆனது. சிந்து மற்றும் ஜெர்சி இன பசு மாடு ஒன்று ரூ.25 ஆயிரம் முதல் ரூ.32 ஆயிரம் வரையும், அதன் கிடாரி கன்றுக்குட்டி ஒன்று ரூ.8 ஆயிரம் முதல் ரூ.20 ஆயிரம் வரையும் விற்பனை செய்யப்பட்டது.

சீனாபுரம் சந்தையில் மாடுகள் மொத்தம் ரூ.1 கோடிக்கு விற்பனை ஆனதாக சந்தை நிர்வாகிகள் தெரிவித்தனர். அரியானா, ஆந்திரா, கர்நாடகா போன்ற மாநிலங்களில் இருந்தும், ஈரோடு மாவட்டத்தின் பல்வேறு இடங்களில் இருந்தும் ஏராளமான விவசாயிகள் மற்றும் வியாபாரிகள் இங்கு வந்து மாடுகளை வாங்கி சென்றனர்.