பெண் மீது தாக்குதல்

தேனி அருகே உள்ள நாகலாபுரத்தை சேர்ந்தவர் செல்வநாதன் (வயது 33). இவருடைய மனைவி அன்னலட்சுமி (30). இவர்களுக்கு இடையே ஏற்பட்ட பிரச்சினை காரணமாக பிரிந்து வாழ்கின்றனர். அன்னலட்சுமி பாலகிருஷ்ணாபுரத்தில் வசித்து வருகிறார். இவர்களுக்கு இடையேயான வழக்கு தேனி குடும்ப நல கோர்ட்டில் நடந்து வருகிறது. இந்நிலையில், செல்வநாதன், அன்னலட்சுமி வீட்டுக்கு வந்து கத்தியை காட்டி மிரட்டி அவரை தாக்கியதாக கூறப்படுகிறது. இதுகுறித்து பழனிசெட்டிபட்டி போலீஸ் நிலையத்தில் அன்னலட்சுமி புகார் கொடுத்தார். அதன்பேரில் செல்வநாதன் மீது போலீசார் வழக்குப்பதிவு செய்து விசாரணை நடத்தி வருகின்றனர்.