கொலை வழக்கில் தலைமறைவாக இருந்தவர் 2½ ஆண்டுகளுக்கு பிறகு கைது

தலைவாசல்

தலைவாசல் அருகே வீரகனூர் பகுதியில் கடந்த 2013-ம் ஆண்டு காவலாளியை அடித்துக் கொன்று விட்டு ஏ.டி.எம்.மில் திருட முயற்சி நடந்தது. இந்த வழக்கில் வீரகனூர் சந்தைப்பேட்டையை சேர்ந்த செந்தில்குமார் (வயது 38) என்பவரை போலீசார் கைது செய்தனர். இந்த வழக்கு ஆத்தூர் கோர்ட்டில் நடந்து வருகிறது. இந்த வழக்கில் கைதாகி ஜாமீனில் வெளியே வந்த செந்தில்குமார், கடந்த 2020-ம் ஆஷ்டு முதல் பிடிவாரண்டு பிறப்பிக்கப்பட்டும் கோர்ட்டில் ஆஜராகாமல் இருந்து வந்தார். கடந்த 2½ ஆண்டுகளாக தேடி வந்தும் அவர் கள்ளக்குறிச்சி பகுதியில் பதுங்கி இருந்தது தெரிய வந்தது. போலீசார் அவரை கைது செய்து கோர்ட்டில் ஆஜர்படுத்தி சிறையில் அடைத்தனர்.