கஞ்சா வைத்திருந்த வாலிபர் கைது

ஓசூர்

ஓசூர் மது விலக்கு அமலாக்க பிரிவு போலீசார் பாகலூர் சாலையில் ரோந்து சென்றனர். அப்போது, அங்கு சந்தேகத்திற்குரிய வகையில் நின்றிருந்த வாலிபரை பிடித்து போலீசார் சோதனை செய்தனர். அப்போது, அவர் கஞ்சா வைத்திருந்தது தெரிய வந்தது. இதுகுறித்து அவரிடம் போலீசார் விசாரணை நடத்தினர். அவர் ஓசூரை சேர்ந்த ராகுல் (வயது22) என்பதும், கஞ்சா விற்பனைக்காக வைத்து இருந்ததும் தெரிந்தது. இதையடுத்து அவரை போலீசார் கைது செய்தனர். மேலும் அவரிடம் இருந்து 100 கிராம் கஞ்சா பறிமுதல் செய்யப்பட்டது.