கெலமங்கலம் அருகே இசை கலைஞர் கொலையில் 6 பேர் கைது

ராயக்கோட்டை:

கிருஷ்ணகிரி மாவட்டம் கெலமங்கலம் அருகே உள்ள தொட்டபேளூரை சேர்ந்தவர் லகுமப்பா (வயது42). பறை இசை கலைஞர். இவரை கடந்த 18-ந் தேதி மர்ம நபர்கள் கொலை செய்தனர். இது தொடர்பாக கெலமங்கலம் போலீசார் வழக்குப்பதிவு செய்து விசாரணை நடத்தினர். அப்போது ஜே.காரப்பள்ளி கிராமத்தை சேர்ந்த மகேந்திரா (22), தொட்டபேளூரை சேர்ந்த தேவராஜ் (31), விஜயன் (26), பத்ரிநாத் (21), ஒன்னல்வாடியை சேர்ந்த கணேஷ் (21) உள்பட 7 பேர் கொலை செய்தது தெரிந்தது. இவர்களில் 5 பேரை போலீசார் கைது செய்தனர். இந்த கொலை வழக்கில் தேடப்பட்டு வந்த சதீஷ் (22) நேற்று கிருஷ்ணகிரி நீதிமன்றத்தில் சரணடைந்தார். இதையடுத்து அவரை போலீசார் கைது செய்தனர். கைது செய்யப்பட்ட 6 பேரும் சேலம் சிறையில் அடைக்கப்பட்டனர். இந்த கொலையில் தொடர்புடைய மேலும் ஒருவரை போலீசார் தேடி வருகின்றனர்.