சூளகிரி அருகே மோட்டார் சைக்கிளில் குட்கா கடத்தியவர் கைது

சூளகிரி:

ஓசூர் அருகே, காளிங்கவரம் பிரிவுப்பாதையில், சூளகிரி போலீசார் வாகன சோதனையில் ஈடுபட்டு இருந்தனர். அப்போது அந்த வழியாக மோட்டார் சைக்கிளை நிறுத்தி போலீசார் சோதனை செய்தனர். அப்போது, தடை செய்யப்பட்ட குட்கா கடத்தியது தெரியவந்தது. இதையடுத்து அவரிடம் போலீசார் விசாரணை நடத்தினர். அவர் காளிங்கவரத்தை சேர்ந்த கணேஷ் (வயது41) என்பதும், பெங்களூருவில் இருந்து குட்காவை கடத்தியதும் தெரியவந்தது. இதனை தொடர்ந்து அவரை போலீசார் கைது செய்தனர். மேலும் குட்கா, மோட்டார் சைக்கிள் ஆகியவற்றை போலீசார் பறிமுதல் செய்தனர்.