இரும்பு சீட்டுகள் திருடியவர் கைது

தொண்டி, 

திருவாடானை தாலுகா கூடலூர் நத்தக்கோட்டை கிராமத்தை சேர்ந்தவர் ராமநாதன்(வயது 51). இவர் அங்குள்ள தர்ம முனீஸ்வரர் கோவிலில் அன்னதான மண்டபம் கட்டுவதற்காக கடந்த சில தினங்களுக்கு முன்பு இரும்பாலான ரூப் சீட்டுகளை வாடகைக்கு வாங்கி கோவிலில் வைத்திருந்தாராம். இதனை மர்ம நபர்கள் திருடி சென்று விட்டனர். இதுகுறித்த புகாரின்பேரில் திருவாடானை போலீசார் விசாரணை நடத்தி காளையார் கோவில் தாலுகா சிலுக்கப்பட்டியை சேர்ந்த குமார்(45) என்பவரை கைது செய்தனர். இவர் மீது பல்வேறு போலீஸ் நிலையங்களில் குற்ற வழக்குகள் உள்ளது குறிப்பிடத்தக்கது.

மேலும் இச்சம்பவத்தில் தொடர்புடைய பரமக்குடியை சேர்ந்த கோவிந்தராஜ் மீதும் போலீசார் வழக்குப்பதிவு செய்து விசாரணை நடத்தி வருகின்றனர்.