மூதாட்டியிடம் நகை பறித்த வாலிபர் கைது

மங்கலக்குடி,

திருவாடானை தாலுகா மங்கலக்குடி அருகே உள்ள ஊமை உடையான்மடை கிராமத்தை சேர்ந்தவர் முகமது சுல்தான்.

இவரது மனைவி மக்முதாபீவி (வயது80). இவர் வீட்டுத் திண்ணையில் படுத்து இருந்தபோது முககவசம் அணிந்து சென்ற வாலிபர் மூதாட்டி கழுத்தில் அணிந்து இருந்த 4½ பவுன் நகையை பறித்துவிட்டு தப்பி ஓடிவிட்டான்.

இதுகுறித்த புகாரின் பேரில் போலீசார் வழக்குப்பதிவு செய்து விசாரணை நடத்தினர்.

திருவாடானை போலீஸ் துணை சூப்பிரண்டு நிரேஷ் உத்தரவின்பேரில் போலீஸ் இன்ஸ்பெக்டர் நவநீதகிருஷ்ணன், சப்- இன்ஸ்பெக்டர் கணேசன் ஆகியோர் தலைமையில் போலீசார் அப்பகுதி யில் சி.சி.டி.வி. காட்சிகளை ஆய்வு செய்தனர்.

அதன் அடிப்படையில் மதுரை திருமங்கலம் எலியார்பத்தி சுரேஷ் என்பவர் மகன் சந்தோஷ் (20) என்பவரை கைது செய்தனர்.