மண் கடத்தியவர் கைது

ஊத்தங்கரை

சாமல்பட்டி போலீசார் கெரிகேப்பள்ளி ரெயில்வே பாலம் அருகில் ரோந்து சென்றனர். அப்போது அந்த வழியாக வந்த டிப்பர் லாரியை போலீசார் சோதனை செய்தனர். கெரிகேப்பள்ளியில் இருந்து சாமல்பட்டிக்கு சென்று கொண்டிருந்த அந்த லாரியில் 4 யூனிட் மண் கடத்தப்படுவது தெரிய வந்தது. இதையடுத்து மண் கடத்தலில் ஈடுபட்டதாக, போச்சம்பள்ளி தாலுகா கொத்தபள்ளனூரை சேர்ந்த மணிவண்ணன் (வயது 31) என்பவரை கைது செய்த போலீசார், லாரியையும் பறிமுதல் செய்தனர்.