17 வயது சிறுமியை திருமணம் செய்த பஞ்சர் கடைக்காரர் கைது

வாழப்பாடி:

வாழப்பாடி அருகே உள்ள தேக்கல்பட்டி பகுதியை சேர்ந்தவர் ஆசை தம்பி. இவருடைய மகன் ரகுபதி (வயது 25). இவர் சுங்கச்சாவடி அருகே பஞ்சர் கடை நடத்தி வருகிறார். இந்த நிலையில் ரகுபதி வாழப்பாடி பகுதியை சேர்ந்த 17 வயது சிறுமியை ஆசைவார்த்தை கூறி கடத்திச்சென்று திருமணம் செய்துள்ளார். இது குறித்த புகாரின் பேரில் வாழப்பாடி போலீசார் போக்சோ சட்டத்தின் கீழ் வழக்குப்பதிவு செய்து, ரகுபதியை கைது செய்தனர்.