தேன்கனிக்கோட்டை அருகேகணவன்-மனைவியை தாக்கிய டிரைவர் கைது

தேன்கனிக்கோட்டை

தேன்கனிக்கோட்டை அருகே உள்ள பூதட்டிகொட்டாய் கிராமத்தை சேர்ந்தவர் சித்தப்பா. இவருடைய மனைவி நஞ்சம்மா (வயது 40). அதே பகுதியை சேர்ந்தவர் பரமேஷ் (32), டிரைவர். இவர்களுக்கு முன்விரோதம் இருந்தது. சம்பவத்தன்று அவர்களுக்குள் தகராறு ஏற்பட்டது. அப்போது நஞ்சம்மா மற்றும் அவரது கணவர் சித்தப்பா ஆகியோரை பரமேஷ் தாக்கினார். இதுகுறித்த நஞ்சம்மா தேன்கனிக்கோட்டை போலீசில் புகார் செய்தார். இது குறித்து போலீசார் வழக்குப்பதிவு செய்து பரமேசை கைது செய்தனர்.