மோட்டார் சைக்கிள் திருடிய வாலிபர் கைது

ஓசூர்:

கிருஷ்ணகிரி மாவட்டம் உத்தனப்பள்ளி அருகே லாலிகல் கிராமத்தை சேர்ந்தவர் கஜேந்திரபாபு (வயது 40). விவசாயி. சம்பவத்தன்று இவர் தனது மோட்டார் சைக்கிளை ஓசூர் அரசு ஆஸ்பத்திரி முன்பு நிறுத்திவிட்டு சென்றார். பின்னர் திரும்பி வந்து பார்த்தபோது மோட்டார் சைக்கிள் திருட்டு போனதை அறிந்து அதிர்ச்சி அடைந்தார். இதுகுறித்து அவர் ஓசூர் டவுன் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து மோட்டார் சைக்கிளை திருடியதாக வேலூர் மாவட்டம் சந்திரன் பாளையத்தை சேர்ந்த விக்னேஷ் (23) என்பவரை கைது செய்ததோடு, மோட்டார் சைக்கிளையும் பறிமுதல் செய்தனர்.