புத்தாண்டு கொண்டாட்டத்தில் தகராறு; 2 வாலிபர்கள் கைது

அன்னவாசல் அருகே தொடையூரை சேர்ந்தவர் பைரவவிஷ்ணு (வயது 19). இவர் அவரது பகுதியில் புத்தாண்டையொட்டி கேக் வெட்டி கொண்டாட்டத்தில் ஈடுபட்டு வந்தாக கூறப்படுகிறது. அப்போது தொடையூரை சேர்ந்த கமல் (27), சரத்குமார் (30) ஆகிய இருவரும் பைரவ விஷ்ணுவிடம் தகராறு செய்து திட்டியதாக கூறப்படுகிறது. இதுகுறித்து பைரவவிஷ்ணு வெள்ளனூர் போலீஸ் நிலையத்தில் புகார் கொடுத்தார். அதன் பேரில் போலீசார் வழக்குப்பதிவு செய்து கமல், சரத்குமார் ஆகிய இருவரையும் கைது செய்தனர்.