10, 12-ம் வகுப்பு தேர்வில் அதிக மதிப்பெண்கள் பெற்ற மாணவர்களுக்கு பாராட்டு

கடையநல்லூர்:

கடையநல்லூர் நகர இந்திய யூனியன் முஸ்லிம் லீக் சார்பில் 10, 12-ம் வகுப்பு தேர்வில் அதிக மதிப்பெண்கள் பெற்ற மாணவ-மாணவிகளுக்கு பரிசளிப்பு விழா நடந்தது. நகர தலைவர் செய்யது மசூது தலைமை தாங்கினார். அய்யூப்கான் வரவேற்றார். முஸ்லிம் யூத்லீக் மாநில துணைத்தலைவர் ஹபிபுல்லா தொடக்க உரையாற்றினார். இந்திய யூனியன் முஸ்லிம் லீக் மாநில அமைப்பு செயலாளர் நெல்லை மஜித், தனுஷ்குமார் எம்.பி., தி.மு.க. தலைமை செயற்குழு உறுப்பினர் செல்லதுரை, நகராட்சி தலைவர் மூப்பன் ஹபீபுர் ரஹ்மான், தென்காசி மீரான் மருத்துவமனை நிர்வாக இயக்குனர் டாக்டர் எம்.அப்துல் அஜீஸ் ஆகியோர் 10, 12-ம் வகுப்பு தேர்வில் அதிக மதிப்பெண்கள் பெற்ற மாணவ-மாணவிகளுக்கு பரிசுகள் வழங்கி பாராட்டினர்.