தூய்மை பணியாளர்களுக்கு பாராட்டு விழா

உலக சுற்றுச்சூழல் தினத்தை முன்னிட்டு சுற்றுச்சூழலை பாதுகாக்கும் பணியில் ஈடுபட்டு வரும் தூய்மை பணியாளர்கள் அனைவருக்கும் தென்காசி பிரஜாபிதா பிரம்ம குமாரிகள் ஈஸ்வரிய விஷ்வ வித்யாலயம் என்ற அமைப்பின் சார்பில் பாராட்டு விழா சிவா திருமண மண்டபத்தில் நடைபெற்றது.

விழாவில் தென்காசி நகர்மன்ற தலைவர் சாதிர், துணைத் தலைவர் கே.என்.எல்.சுப்பையா, தென்காசி வக்கீல்கள் சங்க துணை தலைவர் தாஹிரா பேகம், தென்காசி நகராட்சி சுகாதார அலுவலர் முகமது இஸ்மாயில், பிரம்ம குமாரிகள் அமைப்பின் பொறுப்பாளர் குமாரி, புவனேஸ்வரி, சாந்தி மருத்துவமனையின் நிர்வாக இயக்குனர் டேவிட் செல்லதுரை, தென்காசி வியாபாரிகள் சங்கத்தின் தலைவர் பரமசிவன், நகர்மன்ற கவுன்சிலர் ரெஜினா, பிரம்ம குமாரிகள் சேவை ஒருங்கிணைப்பாளர் கெடன் சிவபாலன், சுகாதார ஆய்வாளர்கள் ஈஸ்வரன், மாதவ ராஜ்குமார் மற்றும் தி.மு.க. பொருளாளர் ஷேக்பரீத், மாணவரணி மைதீன், தூய்மை இந்தியா திட்ட பரப்புரையாளர்கள், நகராட்சியின் துப்புரவு பணி மேற்பார்வையாளர்கள், களப்பணி உதவியாளர்கள், தூய்மை பணியாளர்கள், டிபிசி பணியாளர்கள் கலந்து கொண்டனர். இந்த நிகழ்ச்சியில் சுற்றுச்சூழல் பாதுகாப்பின் முக்கியத்துவம் குறித்து விரிவாக பேசப்பட்டது. சுற்றுச்சூழல் தின உறுதிமொழியும் எடுக்கப்பட்டது.