தி.மு.க. உள்கட்சி தேர்தலையொட்டி ஓசூரில் விண்ணப்ப படிவம் வழங்கும் நிகழ்ச்சி

ஓசூர்:

கிருஷ்ணகிரி மேற்கு மாவட்டத்திற்குட்பட்ட ஓசூர் ஒன்றியம், சூளகிரி வடக்கு, தெற்கு ஒன்றியம், வேப்பனப்பள்ளி கிழக்கு, மேற்கு ஒன்றியம், தளி வடக்கு, தெற்கு ஒன்றியம், கெலமங்கலம் கிழக்கு, மேற்கு ஒன்றியம் மற்றும் அஞ்செட்டி ஒன்றியத்திற்கான 15-வது தி.மு.க. உள்கட்சி தேர்தலில், அவைத்தலைவர், ஒன்றிய செயலாளர், துணை செயலாளர்கள், பொருளாளர், மாவட்ட பிரதிநிதிகள், செயற்குழு உறுப்பினர்கள் பதவிகளுக்கு போட்டியிட விரும்புவோருக்கு, விருப்பமனு வழங்கும் நிகழ்ச்சி, ஓசூரில் நடைபெற்றது. இந்த நிகழ்ச்சிக்கு மேற்கு மாவட்ட செயலாளர் ஒய்.பிரகாஷ் எம்.எல்.ஏ., தலைமை கழக ஆணையாளர் சூர்யா வெற்றிகொண்டான் ஆகியோர் விண்ணப்ப படிவங்களை வழங்கினர். இதில் 500-க்கும் மேற்பட்டோர் மனுக்களை பெற்று கொண்டனர். இதில், மாநகராட்சி மேயர் எஸ்.ஏ.சத்யா, மாவட்ட அவைத்தலைவர் யுவராஜ், தலைமை செயற்குழு உறுப்பினர் சுகுமாரன் மற்றும் கட்சி நிர்வாகிகள் கலந்து கொண்டனர்.